رضا عبدالعال يعلق على سبب ارتداء الكمامة على وجهه
علق رضا عبدالعال المدير الفني لفريق طنطا، على لقطته الطريفة بارتداء الكمامة على وجهه، وذلك خلال المؤتمر الصحفي الخاص بمباراة الزمالك وأبناء السيد البدوي التي انتهت لصالح الأول بثلاثة أهداف مقابل هدف واحد.
وقال عبدالعال مازحاً: “أنا كنت حاطط الكمامة كدة لإني كنت خايف ليكون اللي جنبي عنده كورونا”.
وبسؤاله عن المخاطرة بتولي تدريب طنطا في ذلك الوقت، قال عبدالعال: “هو أنا كنت بدرب منتخب مصر؟ الناس هتلاقي طنطا بشكل تاني خالص وقت ما لاعيبتي عددها يكمل، ومفيش مخاطرة ولا حاجة”.
وأكمل: “أنا قولت لما كنت موجود في الاستديو التحليلي إن طنطا هيهبط، أنا بشكر كل جماهير مصر السوشيال ميديا كلها كانت بتتكلم على رضا عبدالعال، ولو كارتيرون كان موجود كنت كسبته والله، أهو شال ٦ إمبارح مع التعاون ومش هيكمل ٤ أيام تاني هناك”.
وأتم: “لاعبتي عندها إرهاق بدني، ولعبت بنفس طريقة الفريق المعتادة لإني ملحقتش أنفذ التكتيك الخاص بي، وكنت محدد لاعيبة معينه تمسك لاعيبة الزمالك، ولكن التعب هو اللي فرق الشوط التاني، ولو أتكلمت عن التحكيم هتوقف”.
إقرأ أيضاً